ஆண்டவரை எக்காலமும்

பல்லவி

ஆண்டவரை எக்காலமும் போற்றிடுவேன்

அவர் புகழ் எப்போதும் என் நாவில் ஒலிக்கும்

சரணம் 1

என்னோடே ஆண்டவரை மகிமைப்படுத்துக்கள்

ஒருமித்து அவர் நாமம் உயர்த்திடுவோம்

நடனமாடி நன்றி சொல்வோம்

சரணம் 2

ஆண்டவரைத் தேடினேன் செவி கொடுத்தார்

எல்லாவித பயத்தினின்றும் விடுவித்தார்

சரணம் 3

அவரை நோக்கிப் பார்த்ததால் பிரகாசமானேன்

எனது முகம் வெட்கப்பட்டுப் போகவேயில்ல

சரணம் 4

ஏழை நான் கூப்பிட்டேன் பதில் தந்தாரே

நெருக்கடிகள் அனைத்தினின்றும் விடுவித்தாரே

சரணம் 5

கர்த்தர் நல்லவர் சுவைத்துப் பாருங்கள்

அவரை நம்பும் மனிதரெல்லாம் பாக்கியவான்கள்

சரணம் 6

சிங்கக் குட்டி உணவின்றி பட்டினி கிடக்கும்

ஆண்டவரை நாடுவோருக்கு குறையேயில்லை

சரணம் 7

கர்த்தர் கண்கள் நீதிமானை நோக்கியிருக்கும்

அவர் செவிகள் அவனுக்குத் திறந்திருக்கும்

சரணம் 8

நீதிமான்கள் கூப்பிட்டால் கர்த்தர் கேட்கிறார்

துன்பங்கள் அனைத்தினின்றும் விடுவிக்கிறார்

சரணம் 9

உடைந்த உள்ளத்தார்க்கு அருகில் இருக்கிறார்

நைந்த நெஞ்சத்தாரை காப்பாற்றுகிறார்

சரணம் 10

நீதிமானுக்கு வரும் துன்பம் அநேகமாயிருக்கும் - அவை

அனைத்தினின்றும் அவர்தாமே விடுதலை தருவார்

சரணம் 11

ஆண்டவரில் என் ஆன்மா மேன்மைபாராட்டும்

சிறுமையுற்றோர் அதைக்கேட்டு அக்களிப்பார்கள்