பயப்படாதே பாரிலிப்போதே

பயப்படாதே பாரிலிப்போதே

திகையாதே கலங்காதே

தெரிந்து கொண்டேன் பேர் சொல்லி அழைத்தேன்

அறிந்து கொண்டேன் நீ என்னுடையவன்

1. தண்ணீரை நீ கடக்கும் போது

உன்னோடு கூட நானிருப்பேன்

ஆறுகளை நீ கடக்கும் போது

அவைகள் உன்மேல் புரளுவதில்லை – பயப்படாதே

2. அக்கினியில் நீ நடக்கும் போது

அஞ்ச வேண்டாம் வேகாதிருப்பாய்

அக்கினி ஜீவாலை உன்னைப்பற்றாது

விக்கினங்கள் ஏதும் சுற்றாது !

3. இஸ்ரவேலின் பரிசுத்தர் நானே

இரட்சகராம் தேவனும் நானே

உன்னை மீட்க நான் வந்தேனே

கண்மணி போல் அருமையானவனே – பயப்படாதே

4. உன்னை நானே உருவாக்கினேனே

அன்னை போலவும் ஆதரிப்பேனே

கண்மூடாமலும் காத்திடுவேனே

சொன்னதை நிறைவேற்றிடுவேனே – பயப்படாதே

5. முந்தினதை நினைக்க வேண்டாம்

பூர்வமானத்தை சிந்திக்க வேண்டாம்

எந்த துன்பத்தில் சோர்ந்திட வேண்டாம்

வாக்குகளையும் விட்டிட வேண்டாம் – பயப்படாதே

6. ஒன்றுக்கும் நீ கவலைப்படாதே

என்றும் ஜெபத்தையும் தவறவிடாதே

கடந்த தோல்வியை எண்ணி விடாதே

நடந்திடும் வழிகளையும் விடாதே – பயப்படாதே

7. அல்லேலூ யாவுக் கருகனே

அல்லும் பகலும் ஆதரிப்பேனே

அல்பா ஒமெகா நான் தானே

வல்ல கரத்தால் நடத்துவேனே!