அப்பா உங்க வார்த்தைக்குத்தான்

அப்பா உங்க வார்த்தைக்குத்தான் எத்தனை வல்லமை

இயேசப்பா உங்க பார்வைக்குத்தான் எத்தனை வல்லமை

அப்பா உங்க கரங்களிலே எத்தனை வல்லமை -2

இயேசப்பா உங்க ஆடையிலும் எத்தனை வல்லமை -2

1. முடவன எழுந்து நடக்க சொன்ன நிமிடமே

எலும்புகள் நரம்புகள் பெலனடைந்ததே

எத்தனை வல்லமை உங்களுக்கு

எத்தனை வல்லமை -2

வார்த்தையிலே வல்லமை

பார்வையிலே வல்லமை

கரங்களில் வல்லமை – உங்க

ஆடையிலும் வல்லமை

2. காற்றையும் கடலையும் அதட்டினீங்களே - ஒரு

சிறுபிள்ளைப் போல உடனே கீழ்ப்படிந்ததே (2)

3. கோலாகலக் கானாவூரு கல்யாண வீட்டில் - வெறும்

தண்ணீரும் இரசமானது உங்க பார்வையால் (2)

4. இருளடைந்த குருடனோட கண்கள நீங்க

மனமிரங்கித் தொட்டவுடன் ஒளியடைந்ததே (2)

5. பன்னிரெண்டு வருடமாக பெரும்பாடு பட்ட

பெண்ணும் உந்தன் ஆடையாலே சுகமடைந்தாளே(2)

6. ஆர்ப்பாட்டந்தான் போட்டு வந்த அசுத்த ஆவிகள்- இயேசு

உங்களோட வார்த்;தைக்குத்தான் அலறி ஓடியதே(2)

7. ஒருநாளும் நிமிர்ந்திராதக் கூனியைக் கண்டீர் -

நிமிர் என்று சொன்னவுடன் நிமிர்ந்து நின்றாளே(2)

8. எல்லாராலும் துரத்தப்பட்ட குஷ்டரோகியை – நீர்

தொட்டவுடன் பூரணமாய் சுகமடைந்தானே (2)

9. பாடையிலே சுமந்து வந்த சிறுவனின் ஜீவன் -இயேசு

நீங்க சொன்ன வார்த்தைக்குத்தான் திரும்பிவந்ததே(2)

10. நாலுநாளா நாறிக்கிடந்த லாசரு அன்று

உயிரடைந்து நடந்துவந்தான் உங்க வார்த்தையால்(2)