எல்லாரும் பாடுவோம்

எல்லாரும் பாடுவோம் மகிழ்ந்து ஆடுவோம்

மன்னவன் பிறந்ததை பாடுவோம்

இம்மானுவேலனாய் எப்போதும் தங்கிட

வந்ததை எண்ணியே பாடுவோம் - அய்யா அம்மா

சமாதானம் தந்திட வந்தவர்

சாபத்தை முறித்திட வந்தவர்

துன்புறும் உள்ளத்தைத் தேற்றவே

தூயாதி தேவன் வந்தாரே – அய்யா அம்மா

பாவி என்று ஒருபோதும் தள்ளிடார் நம்

பாவங்களை மன்னிக்கவே வந்தாரே

வழுவாது காத்து என்றும் நடத்திட

வல்லவர் இயேசு வந்தாரே – அய்யா அம்மா

உலகத்தின் பாவத்தை போக்கவே இயேசு

உலகத்தின் இரட்சகராய் வந்தாரே

இருளான வாழ்வை என்றும் நீக்கிட

ஒளியாக இயேசு வந்தாரே – அய்யா அம்மா