இச்சையான யாதொன்றையும்

1.இச்சையான யாதொன்றையும் பார்க்காமல் இருக்கவே

பரிசுத்த கண்களைத் தாருமைய்யா-(தாருமைய்யா-2)

2.கொச்சையான மொழிஒன்றும் பேசாமல் இருக்கவே

தூய்மையான உதடுகளைத் தாருமைய்யா-(தாருமைய்யா-2)

3.தீமையான ஒலிஒன்றும் கேட்காமல் இருக்கவே

தேவைக்காக செவிகளைத் திறவுமய்யா-(திறவுமய்யா-2)

4.நுகர்கின்ற வாசனையும் நினைக்கின்ற யோசனையும்

உம் மகிமைக்காய் இருக்க வேண்டுமய்யா-(வேண்டுமய்யா-2)

5.சடிதியான கிலி ஒன்றும் பிடிக்காமல் இருக்கவே

பலமுள்ள இருதயத்தை தாருமைய்யா-(தாருமைய்யா-2)

6.நொடிப்பொழுதும் உம்மைவிட்டு பிரியாமல் இருக்கவே

நேசமுள்ள நெஞ்சமதைத் தாருமைய்யா-

(தாருமைய்யா-2)

7.எத்தனையோ சூழ்நிலைகள் எதிர்எதிராய் வந்தாலும்

அத்தனைக்கும் விலகிட வேண்டுமய்யா-

(வேண்டுமய்யா-2)

8.சிந்தனையும் நடத்தையும்

எண்ணங்களும் உணர்வுகளும்

தேவபிரியமாய் இருக்க வேண்டுமய்யா- (வேண்டுமய்யா-2)

9.அதிகாலை நேரத்தோடு ஆத்தும பாரத்தோடு

அனுதினமும் ஜெபித்திட வேண்டுமய்யா- (வேண்டுமய்யா-2)

10.ஆவியின் கனிகளும் ஆவியின் வரங்களும்

அதிகதிகமாய் என்னில் நிரப்புமய்யா-(நிரப்புமய்யா-2)

11.உண்மையும் உத்தமுமாய் உம்வழியெல்லாம் நடக்க

கர்த்தருக்குப் பயப்பட வேண்டுமய்யா-(வேண்டுமய்யா-2)

12. சுத்தமுள்ள தேவனே நித்தமும் காப்பவரே

மொத்தத்தில் உம்சாயல் வேண்டுமய்யா- (வேண்டுமய்யா-2)