கர்த்தர் சபையே கர்த்தரின் சபையே

கர்த்தர் சபையே கர்த்தரின் சபையே

களிகூர்ந்து மகிழ்ந்திடுவாய்

கர்த்தராம் இயேசு தமது சபையை இதோ

சேர்க்க வருகின்றார் ஆ! ஆ

கறைதிரை முதலானவைகள் ஒன்றும்

இல்லாதது கர்த்தர் சபை

பரிசுத்தமும் பிழையற்றதுமான

மகிமையானது சபை ஆ! ஆ

இரட்சிக்கப்பட்டோரின் சங்கமே

கர்த்தரின் சபையாகும்

பரிசுத்தவான்களின் சங்கமே

தேவனின் சபையாகும் ஆ! ஆ

பரலோகில் பெயரெழுதியிருக்கிற

முதற்பேறானோரின்

சர்வ சங்கமாகிய சபையே

கர்த்தரின் சபையாகும் ஆ! ஆ

தேவன் தமது சுய இரத்தம் சிந்தியே

சம்பாதித்துக் கொண்ட

தமது சபையே நீதிமான்களின்

சங்கமாம் சபையாகும் ஆ! ஆ

சத்தியத்திற்கு தூணும் ஆதாரமும்

ஆனது கர்த்தர் சபை

ஜீவனுள்ள தேவனின் வீடாம்

கர்த்தருடைய சபை ஆ! ஆ 2

ஊழியங்களையும் ஆளுகைகளையும் பற்பல பாஷைகளையும்

பிரித்தெடுக்கப்பட்ட ஊழியர்களையும்

கொண்டது கர்த்தர் ஆ! ஆ

பரீட்சிக்கப்பட்டதும் விலையேறப் பெற்றதும்

திட அஸ்திபாரமானதும்

சீயோனில் வைத்த மூலைக்கல்லாகிய

கிறிஸ்துவே சபைத் தலைவர் ஆ ஆ

சபையின் தலைவராம் கிறிஸ்து இயேசுவைப்

பரிபூரணமாகவே

விசுவாசிக்கிறவன் எவனும்

பதறவே மாட்டான் ஆ! ஆ

கிறிஸ்து இயேசுவும் கல்லின் மேல்

கட்டப்பட்ட சபையை

பாதாளத்தின் வாசல்கள் எதுவும்

மேற்கொள்வதில்லை ஆ! ஆ

இந்தக் கல்லின் மேல் விழுகிறவன்

நொறுங்கி போவான்

இந்தக்கல் எவன் மேல் விழுமோ அவன்

நசுங்கியே போவான் ஆ! ஆ

கர்த்தர் தமது திரு சரீரமாம்

தமது சபைக்கு

அற்புதங்கள் குணமாக்கும் வரங்கள்

அதிகமாய் அளிக்கின்றார் ஆ! ஆ

கர்த்தரின் வருகையின் நாளானது

சமீபித்து வருவதால்

சபை கூடி வருதலை ஒருவருமே

விட்டு விடாதிருங்கள் ஆ! ஆ

மகா சபையாம் கர்த்தரின் சபையே

களிகூர்ந்து மகிழ்ந்திரு

மகிபனாம் இயேசுவின் திரு வருகையை

எதிர்நோக்கிக் காத்திரு ஆ! ஆ