கர்த்தரைப் பாடி துதித்திடுவோம்

கர்த்தரைப் பாடி துதித்திடுவோம்

கன்மலை தேவனை ஆராதிப்போம்

துதியின் மத்தியில் வாசம் செய்யும்

தூயவரை நாம் போற்றிடுவோம்

(பாடிடுவோம்... போற்றிடுவோம்

வாழ்த்திடுவோம்... வணங்கிடுவோம்)

யுத்தத்தில் வல்லவர் எங்கள் கர்த்தர்

மகிமையாக வெற்றி சிறந்தார்... - 2

செங்கடல் பிளந்து வழியை தந்த

தேவாதி தேவனை ஸ்தோத்தரிப்போம்... -2

வானமும் பூமியும் படைத்தவரை

வல்லமை நிறைந்த ஆண்டவரை... - 2

வானத்தில் இருந்து இறங்கி வந்த

வான மன்னாவானவரை... - 2

நேற்றும் இன்றும் என்றும் மாறா

நித்திய இராட்சியம் உள்ளவரை... - 2

நிந்தைகள் சுமந்து மீட்டவரை

நித்திய வாழ்வுக்கு அழைத்தவரை... 2