கிரியைகளைச் செய்தருள்வீர்

கிரியைகளைச் செய்தருள்வீர் எங்கள் தேவனே

கிரியைகளைச் செய்தருள்வீர் உலகம் முழுதுமே

இயேசுவே உடனே கிரியை செய்தருள்வீர்

உலகம் முழுதுமே உம் கிரியைகளையே

இயேசுவே உடனே உம் கிரியைகளையே உலகெங்கும் செய்தருள்வீர்

அதிசயக் கிரியைகளை நீர் செய்தருள்வீரே

அற்புதக் கிரியைகளையும் நீர் செய்தருள்வீரே

பலத்த கிரியைகளை நீர் செய்தருள்வீரே

பயங்கரக் கிரியைகளையும் நீர் செய்தருள்வீரே

பரிசுத்த ஆவியானவரின் கிரியைகளையே

பராக்கிரமத்தோடு உடனே செய்தருள்வீரே

இரட்சிப்பின் மா வல்லமையான கிரியைகளையே

இயேசுவே உடனே உம் ராஜ்யத்திற்காய்ச் செய்தருள்வீரே

பொல்லா ஆவிகளின் கிரியைகள் அழிந்தொழியவே

நல்ல ஆவியினால் கிரியை செய்தருள்வீரே

குருடர்கள் உம் செயல்களைக் கண்டு மகிழ்ந்திடவே

நோய்கள் யாவும் குணமாகிடவே கிரியை செய்தருள்வீர்

செவிடர்கள் உமது புகழைக் கேட்டு மகிழ்ந்திடவே

ஊமையர் உம்மைப் பாடி மகிழவே கிரியை செய்தருள்வீர்

சப்பாணிகள் குதித்தெழுந்து உடனே நடந்திடவே

சம்பூரணமாயக் கிரியைகளைச் செய்தருள்வீரே

மரித்தோர் உடனே உயிரடைந்து எழுத்திடவே

மா உன்னதக் கிரியைகளைச் செய்தருள்வீரே

இதுவரையிலும் நடந்திரா மா பெரிய கிரியைகளையே

இயேசுவே உடனே உம் நாமத்தில் செய்தருள்வீரே

அற்புதம் அதிசயம் ஆச்சரியம் எங்கும் முழங்கவே

அடியார் பிரமித்து பூரிக்கவே கிரியை செய்தருள்வீர்