நட்சத்திரம் வானிலே

நட்சத்திரம் வானிலே கண்டேன் கண்டேன்

அது விசித்திர கதை சொல்லக் கேட்டேன் கேட்டேன் --(2)

ரட்சகர் இயேசுவின் பாதம் பணிந்து

பொன் வெள்ளை போளமும் தந்தேன் தந்தேன் --(2)

மந்தையை ராவினில் காத்தேன் காத்தேன் நான்

விந்தையாய் தூதர்கள் தோன்றக்கண்டேன் --(2)

சிந்தையை கவர்ந்த சுந்தர பாலனை

பெத்லகேம் ஊர் சென்று பார்த்தேன் பார்த்தேன் --(2)

சாலேமின் மீட்புக்காய் காத்திருந்தேன் நான்

ஆலயத்தில் அவரைக் காணப் பெற்றேன் --(2)

தேவகுமாரனை கைகளில் ஏந்தி

மா சமாதானமும் பெற்றேன் பெற்றேன் --(2)