ஓடி ஜெயித்தோர்

ஓடி ஜெயித்தோர் கூட்டத்திலே

நானும் சேர்ந்து விட்டேன்

ஓடி ஜெயித்திட என்னை நானே

உமக்கே தந்து விட்டேன்

ஓடுகிறேன் உமக்காக

சொல்லிடுவேன் சுவிசேஷம்- (2)

1. துன்பத்தை கண்டு நானும்

சோர்ந்து போகமாட்டேன்

இன்பத்தை கண்டு நானும்

ஏமாந்து போகமாட்டேன்

2. நெருங்கி நிற்கும் பாவங்களை

உதறி தள்ளிவிட்டேன்

நியமித்த ஓட்டத்தில்

தொடர்ந்து ஓடுகிறேன்

3. சரீரத்தை ஒடுக்கி நான்

தினமும் ஓடுகிறேன்

அழிவில்லா கிரீடத்தை

பெற்றுக் கொள்வேனே