யாரும் காணவில்லையா?

யாரும் காணவில்லையா?

யாரும் கேட்கவில்லையா?

எண்ண முடியா மனிதர்கள்

நித்தம் கடந்து செல்கின்றார்

எங்கே செல்கின்றார் - நீ சொல்

எங்கே செல்கின்றார்? - யாரும்

இரங்கும் ஐயா - இயேசுவே (3)

1. பசியும் பட்டினியுமாய்

போர்க்க எதுவும் இன்றியே

பார்க்க யாரும் இல்லாமல்

நித்தம் கடந்து செல்கின்றார் - எங்கே

2. ஜெபிப்போர் மறைந்து போனாரோ?

கொடுப்போர் குறைந்து போனாரோ?

உழைப்போர் சோர்ந்து போனாரோ?

நரகலோகம் நிரம்புதே! - எங்கே

3. என்னைத் தந்தேன் தந்தையே

உண்மை பாரம் இல்லையே

அர்ப்பணிக்க ஆசையே

சரணம் ஐயா இயேசுவே - எங்கே