துதிகளின் நடுவினிலே

துதிகளின் நடுவினிலே

தங்கிடும் எங்கள் தேவா

துதித்திடும் எங்கள் மீது

புது பெலன் ஊற்றும் தேவா

ஊற்றுமே ஊற்றுமே

புது பெலனை ஊற்றுமே

ஊற்றுமே ஊற்றுமே

புது கிருபை ஊற்றுமே (2)

அன்பின் நிறைவே அன்பின் நிறைவே

பரலோக அன்பின் நிறைவே

நன்றியுடனே நல் உணர்வுடனே (2)

நாதா உம்மைப் போற்றிடுவோம்

காலங்கள் மாறினாலும்

மாறாத அன்பதனின்

ஆழங்கள் அறிந்துணர்ந்தே

ஆவியால் துதித்திடுவோம் (2)

மன்னித்தவரே மாற்றியவரே

மறுரூபமாக்குபவரே

எண்ணிலடங்கா துதி ஸ்தோத்திரங்களை (2)

எந்நாளும் பாடிடுவேன்

மேகங்கள் மீதினிலே

வேகமாய் வந்திடுவீர்

உம்பாதம் சேர்ந்திடுவேன்

ஓய்வின்றி துதித்திடுவேன் (2)