கர்த்தரின் பந்தியில் வா

கர்த்தரின் பந்தியில் வா, - சகோதரா

கர்த்தரின் பந்தியில் வா.

கர்த்தர் அன்பாய்ச் சொந்த ரத்தத்தைச் சிந்தின

காரணத்தை மனப் பூரணமாய் எண்ணிக்- கர்த்தரின்

1

ஆபேலின் ரத்தம் அல்ல, - நீ செய்த

அநியாயத்தைச் சொல்ல

சாபம் எல்லாம் வெல்ல, - சிந்துண்ட

தயையை நான் என்ன சொல்ல?

கோபம் இல்லாமல் உன் மா பாவம் தீர்த்திடக்

கூறிப் பிதாவின் முன் ஏறின ரத்தமே.- கர்த்தரின்

2

ஜீவ அப்பம் அல்லவா? - கிறிஸ்துவின்

திருச் சரீரம் அல்லவா?

பாவ மனங்கள் கல்லோ? - உனக்காய்ப்

பகிரப்பட்ட தல்லோ?

தேவகுமாரனின் ஜீவ அப்பத்தை நீ

தின்று அவருடன் என்றும் பிழைத்திடு- கர்த்தரின்

3

தேவ அன்பைப் பாரு - கிறிஸ்துவின்

சீஷர் குறை தீரு ;

பாவக் கேட்கை கூறு ; - ராப்போஜன

பந்தியில் சேரு ;

சாவுக்குரிய மா பாவமுள்ள லோகம்

தன்னில் மனம் வைத்து அந்நியன் ஆகாதே.- கர்த்தரின்

4

அன்பின் விருந்தாமே ; - கர்த்தருடன்

ஐக்கியப் பந்தியாமே ;

துன்பம் துயர் போமே ; - இருதயம்

சுத்த திடனாமே ;

இன்பம் மிகும் தேவ அன்பின் விருந்துக்கு

ஏது தாமதமும் இல்லாதிப் போதே வா.- கர்த்தரின்